મૂળી તાલુકામાં દેશી તેમજ વિદેશી દારૂનું મોટાપાયે વેચાણ થઇ રહ્યું છે. જેને લઇ રવિવારે મોડી રાત્રે મૂળી પોલીસ સ્ટેશનનાં ડી ડી ચુડાસમાનાં માર્ગદર્શન હેઠળ નરેન્દ્રસિંહ રાણા,બળદેવભાઇ સહિતની પોલીસ ટીમે પેટ્રોલિંગ હાથ ધર્યું હતું.દરમિયાન બાતમી મળી હતી કે મૂળી સુરેન્દ્રનગર હાઇવે પર વિદેશી દારૂ સાથે કાર પસાર થવાની છે. જેથી સ્ટાફ દ્વારા તપાસ આરંભી હતી. જેમાં ત્યાંથી પસાર થતી સ્વિફ્ટ કારને અટકાવી તપાસ કરતા પાછળનાં ભાગે રાખેલ વિદેશી દારૂની 148 બોટલ 25 હજારનો માલ તેમજ કાર સહિત 2.25 લાખનો મુદ્દામાલ જપ્ત કરાયો હતો. જ્યારે કારમાં સવાર શખસો અંધારાનો લાભ લઇ ભાગી છૂટ્યા હતા. પોલીસે કારચાલક સામે ગુનો નોંધી તપાસ આરંભી છે.