মৰাণৰ নতুন নগৰস্থিত HP তেল ডিপোত ডকাইটিৰ অপচেষ্টা । নিশা তেল ডিপোৰ কৰ্মচাৰীক মাৰপিট কৰি মোবাইল কাঢ়ি নিবলৈ চেষ্টা । সমগ্ৰ ঘটনা বন্দী হৈ ৰৈছে CCTV কেমেৰাত । শনিবাৰে নিশা প্ৰায় ১২ বজাত এখন গাড়ীৰে তেল ডিপোলৈ তেল ভৰাবলৈ আহে তিনিজন যুৱক । তেল ভৰোৱাৰ পিছত তেল কম দিয়াৰ অভিযোগ তুলি তেল ডিপোৰ কৰ্মচাৰীক মাৰপিট কৰে । এজন যুৱকে কৰ্মচাৰী এজনৰ সৈতে হতাহতিত লিপ্ত হৈ মোবাইলো কাঢ়ি লয় । উপায়হীন হৈ মৰাণ আৰক্ষী থানাত ফোন কৰাত ততাতৈয়াকৈ ঘটনাস্থলীত উপস্থিত হয় মৰাণ আৰক্ষী বিষয়া পংকজ উপাধ্যায় । সম্প্ৰতি আৰক্ষীয়ে যুৱক তিনিজনক আটক কৰি তদন্ত অব্যাহত ৰাখিছে ।