সোমবাৰে সন্ধ্যা শিৱসাগৰৰ বৰ্ডিং খেল পথাৰত সদৌঅসম কৃষ্ণ সূৰ্য্য নাম সমাজৰ উদ্যোগত আয়োজিত সংকল্প পাল নামৰ থলীত উপস্থিত অসম চৰকাৰৰ কেবিনেট মন্ত্ৰী তথা মাহমৰা সমষ্টিৰ বিধায়ক যোগেন মহন। ৩১অক্টোবৰৰ পৰা পাচ দিনীয়া বৰ্ণাঢ্য কাৰ্য্যসূচীৰে সংকল্পিত মহা পাল নাম সদৌ অসম কৃষ্ণ।সূৰ্য্য নাম সমাজৰ উদ্যোগত অনুষ্ঠিত হ'ব। আঠখলপীয়া গুৰুৰ আসনৰ আগতছকুৰী ছগৰাকী ভকতে কৰিব নাম মালা জপ। একলাখ ভকতক আদৰাৰ বাবে প্ৰস্তুতি সম্পন্ন কৰা হৈছে। সৌকাজন সত্ৰৰ পৰা অনা হৈছে আঠখলপীয়া গুৰুৰ আসন। লাইখুটা স্থাপনৰ দিনা জ্বলোৱা অক্ষয় বন্তিৰ আগত ভকত বৈষ্ণৱে বন্দনা কৰা পৰিলক্ষিত হৈছে।মুল তোৰণ ,বাটচৰা, আদিৰ আধ্যাত্মিকতা গঢ়ি তোলাৰ প্ৰয়াস কৰিছে কৃষ্ণ গুৰু নাম সমাজৰ। আনহাতে অস্থায়ী মণিকূটৰ আগত জয় -বিজয়ৰ প্ৰতিমূত্তি স্থাপনকৰা হ'ব বুলি জানিবলৈ দিয়।