હાલોલ શહેરની બહાર હાલોલ વડોદરા રોડ પર આવેલ જ્યોતિ સર્કલ તરફથી હાલોલ નગરના કંજરી રોડ પર આવેલ જ્યોતિ નગર સોસાયટીમાં રહેતો 30 વર્ષીય યુવાન ધ્રુમિલ ચીનુભાઈ પટેલ પોતાનું મોપેડ સ્કૂટર લઈને હાલોલ ગામમાં પ્રવેશી રહ્યો હતો ત્યારે વડોદરા રોડ પર આવેલ સીએનજી પમ્પ પાસે સામેથી આવતી ઝાલોદ ઓલપાડ રૂટની એસટી બસના ચાલકે પોતાની બસને રોંગ સાઈડે પૂરઝડપે ગફલતભરી રીતે પ હંકારી લઈ આવી ધ્રુમિલના સ્કૂટરને જોરદાર ટક્કર મારતા અકસ્માત સર્જાયો હતો જેમાં ધ્રુમિલ સ્કૂટર સાથે રોડ પર પછડાયો હતો સ્કૂટર બસની આગળના ભાગે આવી જતા ઘટના સ્થળે અકસ્માતની ભયાવહ પરિસ્થિતિ જોવા મળી હતી જેમાં બસની ટક્કરથી રોડ પર પછડાયેલા ધ્રુમિલને માથા સહિત શરીરના ભાગે ગંભીર ઇજાઓ પહોંચી હતી જ્યારે ધડકાભેર સર્જાયેલા અકસ્માતની ઘટના કોઈ ઘટના સ્થળે આસપાસથી લોકો આવ્યા હતા અને તાત્કાલિક 108 એમ્બ્યુલન્સ મારફતે ઇજાગ્રસ્ત ધ્રુમિલને હાલોલની રેફરલ હોસ્પિટલ ખાતે સારવાર અર્થે મોક્લી આપ્યો હતો જ્યારે બનાવને પગલે ઘટના સ્થળે લોક ટોળા ઉમરી પડતા વડોદરા રોડ પર થોડા સમય માટે ટ્રાફિક જામની પરિસ્થિતિ સર્જાઇ હતી જ્યારે હાલોલની રેફરલ હોસ્પિટલ ખાતે ધ્રુમિલને પ્રાથમિક સારવાર અપાયા બાદ ધ્રુમિલને માથા સહિત શરીરે ગંભીર ઈજાઓ પહોંચેલ હોઈ વધુ સારવારની જરૂરત જણાતા તેને વધુ સારવાર માટે વડોદરા ખાતે રિફર કરાયો હોવાની માહિતી મળવા પામી છે.