জয়সাগৰস্থিত শিৱসাগৰ অসামৰিক চিকিৎসালয়ৰ ৰক্ত ভঁৰালত এক নতুন ৰক্ত কণিকাৰ পৃথকীকৰণ গোট পাৱাৰ গ্ৰীড কৰ্প’ৰেচনৰ অৰ্থ সাহাৰ্য্যত নিৰ্মাণ কৰা হ’ব ৷ উল্লেখযোগ্য যে, ১.৪৪ কোটি টকা ব্যয়ৰে নিৰ্মাণ হ’বলগীয়া গোটটোৰ সমুদায় ধন পাৱাৰ গ্ৰীড কৰ্প’ৰেচনে ঔদ্যোগিক সামাজিক দায়বদ্ধতা আঁচনিৰ অধীনত প্ৰদান কৰিব ৷ এই সন্দৰ্ভত জিলা স্বাস্থ্য সমিতিয়ে ৬ অক্টোবৰ, শুক্ৰবাৰে জিলা আয়ুক্ত কাৰ্য্যালয়ৰ চুকাফা সভাকক্ষত আয়োজিত এক অনুষ্ঠানত পাৱাৰ গ্ৰীড কৰ্প’ৰেচনৰ সৈতে এক বুজাবুজিৰ চুক্তিত স্বাক্ষৰ কৰে ৷ শিৱসাগৰ জিলা স্বাস্থ্য সমিতিৰ অধ্যক্ষ তথা জিলা আয়ুক্ত আদিত্য বিক্ৰম যাদৱে পাৱাৰ গ্ৰীড কৰ্প’ৰেচনৰ শীৰ্ষ বিষয়া চিন্তু কুমাৰ পালৰ উপস্থিতিত এই চুক্তি সম্পাদন কৰে ৷ লগতে এই ৰক্ত কণিকাৰ পৃথকীকৰণ গোটৰ নিৰ্মাণ ১২ মাহত সম্পূৰ্ণ কৰা হ’ব বুলি পাৱাৰ গ্ৰীড কৰ্প’ৰেচনে জানিবলৈ দিছে ৷ আনহাতে এই গোটটো হৈ উঠাৰ পাছত শিৱসাগৰ জিলাৰ লগতে দাতিকাষৰীয়া অঞ্চলৰ ৰাইজো বিশেষভাৱে উপকৃত হ’ব বুলি জিলা স্বাস্থ্য বিভাগৰ যুটীয়া সঞ্চালক ডাঃ ভূপেন্দ্ৰ কুমাৰ দাসে আশা ব্যক্ত কৰিছে ৷
महावीर कुल्फी सेन्टर की और से बूंदी वासियों को दीपावली की हार्दिक बधाई व शुभकामनाएं
