मोहोळ तालुक्यातील कोरवली येथे एका महिलेने आपल्या तीन वर्षीय मुलीसह गळफास घेऊन आत्महत्या केल्याची घटना समोर आली आहे. या घटनेमुळे तालुक्यात एकच खळबळ उडाली आहे. प्रीती विजयकुमार मळगोंडे (वय 25 वर्ष) असे आत्महत्या केलेल्या महिलेचे नाव आहे. तर आरोही विजयकुमार मळगोंडे (वय तीन वर्ष) असे मुलीचे नाव आहे. याप्रकरणी कामती पोलीस ठाण्यात मृत महिलेच्या भावाने तक्रार दाखल केली आहे. प्रकरणी पती विजयकुमार मळगोंडे याच्याविरुद्ध रात्री उशिरा तक्रार दाखल करण्यात आली आहे. याप्रकरणी पोलीस अधिक तपास करीत आहेत.