খাৰুপেটীয়াৰ মাগুৰমাৰীৰ এটা পথেৰে যাতায়ত কৰিলে আদায় দিব লাগে ধন । খাৰুপেটীয়া নগৰৰ পৰা অচিনতলা হৈ মাগুৰমাৰী নতুন বজাৰ লৈ যোৱা পথত দিব লাগে ধন ।  ধন নিদিলে যাতায়ত বন্ধ ই-ৰিক্সা আৰু বাইক আৰোহীৰ । উল্লেখ্য যে  মঙলদৈ সমষ্টিৰ অন্তৰ্গত ১ নং মাগুৰমাৰী গাঁৱৰ উক্ত পথটোত থকা এখন কালভাৰ্ট কিছু দিন পূৰ্বে বৰষুণৰ  পানীয়ে  উটুৱাই নিছিল । কালভাৰ্টটো পানীয়ে উটুৱাই নিয়াৰ পিছতেই হাহাকাৰ লাগে পথটোৰে চলাচল কৰা ৰাইজৰ মাজত । যাতায়ত বন্ধ হৈ পৰাত একাংশ ৰাইজে নিৰ্মাণ কৰে এই বাঁহৰ সাঁকোখন ।  তাৰ পিছতেই সাঁকো পাৰ হোৱাৰ বাবদ  দৈনিক ই-ৰিক্সা আৰু বাইক আৰোহীৰ পৰা গাওঁ খনৰ এজন লোকে আৰম্ভ কৰে ধন সংগ্ৰহৰ কাম ।  অবৈধভাৱে ধন সংগ্ৰহ কৰাৰ পাচতো কুম্ভকৰ্ণ নিদ্ৰাত বিভাগীয় কৰ্তৃপক্ষ। পথৰ মাজত বাহৰ সাকো নিৰ্মাণ কৰি অবৈধ ধন সংগ্ৰহ কৰা কাৰ্য্যই বিৰূপ প্ৰতিক্ৰিয়াৰ সৃষ্টি হৈছে ৰাইজৰ মাজত।