আজি আবেলি সময়ত নলবাৰী জিলাৰ ঘগ্ৰাপাৰত এজন যুৱকে ৰেললাইন অতিক্ৰম কৰিবলৈ লোৱাত হঠাতে অহা এখন দ্ৰুতবেগি ৰেলে খুন্দিৱাৰ ফলত যুৱক জন ঠাইতে নিহত হয়৷নিহত যুৱক জন দেহাৰকুছি গাওঁ পঞ্চায়তৰ অন্তৰ্গত চতমা গাৱঁৰ নামখালা চুবুৰিৰ বিদ্যুত পৰিষদৰ অৱসৰপ্ৰাপ্ত কৰ্মচাৰী নৰেশ্বৰ শৰ্মাৰ পুত্ৰ কৌশিক শৰ্মা(২৬)বুলি জানিব পৰা গৈছে৷ইতিমধ্যে যুৱক জনৰ মৃতদেহ ৰেল আৰক্ষীয়ে উদ্ধাৰ কৰি মৰনোত্তৰ পৰীক্ষাৰ বাবে প্ৰেৰণ কৰিছে৷বাতৰি লিখা সময়লৈকে যুৱকজনৰ মৃতদেহ জন্ম গাওঁ আহি পোৱা নাই বুলি জানিব পৰা গৈছে৷অতিপাত সৰবৰহী যুৱক জনৰ মৃত্যুৰ বাতৰিয়ে সমগ্ৰ অঞ্চলটোক শোকস্তব্ধ কৰি তুলিছে৷