ডিব্ৰুগড়।জিলাৰ মৰাণ আৰক্ষী থানা সমিতিৰ উদ্যোগত অমৃত বৃক্ষ আন্দোলনৰ উপলক্ষে শুকুৰবাৰে মৰাণ আৰক্ষী থানাৰ অন্তৰ্গত গাঁও ৰক্ষী বাহিনী সমুহক গছপুলি বিতৰণ কৰা হয়। এশ ছাব্বিশটা গাঁও ৰক্ষী বাহিনীক মুঠ পোন্ধৰশ গছপুলি বিতৰণ কৰাহয়। গছ পুলি কাৰ্য্যসূচীৰ শুভাৰম্ভ কৰে মৰাণ আৰক্ষী থানাৰ ভাৰপ্ৰাপ্ত আৰক্ষী বিষয়া পঙ্কজ উপাধ্যায় আৰু আৰক্ষী চক্ৰ পৰিদৰ্শক নীল কমল বৰুৱাই। আগন্তুক ১৭ চেপ্টেম্বৰত এক কোটি গছ পুলি ৰূপনেৰে বিশ্ব অভিলেখ গঢ়াৰ লক্ষ্য স্থিৰ কৰিছে ৰাজ্য চৰকাৰে। ইয়াৰ অংশ হিচাবে আজি মৰাণৰ আৰক্ষী থানাত গছপুলি বিতৰণ কৰা হয়।