ચોટીલામાં ફરી એક વખત ચેઈન સ્નેચિંગની ઘટનાથી ચકચાર મચી છે. એક મહિલાના ગળામાંથી ચેઈન ખેંચીને એક શખ્સ ફરાર થઈ ગયો. મામાના કાંટાની પાસે સવારે 8 વાગ્યા આસપાસ બ્રહ્મસમાજની એક મહિલા ઊભી રહી હતી એ દરમિયાન બે શખ્સો બાઈક પર આવ્યા અને મહિલાના ગળામાંથી ચેઈન ખેંચીને ફરાર થઈ ગયા. ગળામાંથઈ ચેઈન ખેંચાતા મહિલાએ બૂમાબૂમ કરી પરંતુ આરોપીઓ ગણતરીની સેક્ધડમાં ફરાર થઈ ગયા.ઘટના અંગે જાણ કરાતાં પોલીસે સમગ્ર મામલે તપાસ શરૂ કરી છે. ઉલ્લેખનીય છે કે ચોટીલામાં ત્રણ મહિનામાં જ ચેઈન સ્નેચિંગની ઘટનાઓ બની છે. આ પહેલાં પણ બે ઘટનાઓ બની ચૂકી છે. જે ગુનાઓ પૈકી એક શખ્સને પોલીસે ઝડપી પાડ્યો હતો. જો કે ફરી એક ઘટના બનતાં શહેરમાં ફફડાટ ફેલાયો છે.