પાટડી તાલુકાના ખેરવા ગામેથી ગેરકાયદેસર મઝરલોડ બંદૂક સાથે શખ્સ ઝડપાયો હતો. જેમાં સુરેન્દ્રનગર એસઓજીએ રૂ. 5,000ની કિંમતની મઝરલોડ બંદૂક સાથે ખેરવાના 28 વર્ષના શખ્સને દબોચી લઈ કાર્યવાહી હાથ ધરી છે.સુરેન્દ્રનગર એસઓજીના પી.આઈ એસ.એમ.જાડેજા સહિતનો પોલીસ સ્ટાફ પેટ્રોલિંગમાં હતો. ત્યારે એમને મળેલી પાક્કી બાતમીના આધારે પાટડી તાલુકાના ખેરવા ગામે દરોડો પાડી ચળમળિયા દાદાના મંદિર પાસેથી ખેરવા ગામના 28 વર્ષના શખ્સ મહેબૂબ અલુભાઈ સિપાઈને રૂ. 5,000ની કિંમતની મઝરલોડ બંદૂક સાથે દબોચી લઈ વધુ કાર્યવાહી હાથ ધરી છે. આ દરોડામાં સુરેન્દ્રનગર એસઓજીના પી.આઈ એસ.એમ.જાડેજા સહીત ઘનશ્યામભાઈ મસીયાવા, મગનભાઈ રાઠોડ, અનિરુદ્ધસિંહ ઝાલા, અશ્વિનભાઈ વાઘેલા અને નીતિનભાઈ ગોહીલ સહિતનો પોલીસ સ્ટાફ સાથે હાજર હતો.