સાયલા તાલુકાના નાગડકા ગામેથી 4 કિલો 920 ગ્રામ પોષડોડવાનો જથ્થો ઝડપાતા ચકચાર મચી જવા પામી છે. જેમાં સુરેન્દ્રનગર એસ.ઓ.જીએ પોષડોડવાનો ગેરકાયદેસર જથ્થો રાખનારા બાબુભાઇ ખાચર નામના યુવાનની અટક કરી કાર્યવાહી હાથ ધરી છે.સુરેન્દ્રનગર એસ.ઓ.જી.ના પોલીસ ઈન્સ્પેકટર એસ.એમ.જાડેજાનાઓએ ખાનગી બાતમી મેળવી સુરેન્દ્રનગર જિલ્લાના સાયલા તાલુકાના નાગડકા ગામના આરોપી બાબભાઈ વાસભાઈ ખાચર ( જાતે.કાઠી દરબાર, ઉ.વ.45, ધંધો-ખેતી, રહે- નાગડકા તા.સાયલા જી.સુરેન્દ્રનગરવાળાએ ) પોતાના કબ્જા ભોગવટાના રહેણાંક મકાનમાં ગેરકાયદેસર રીતે પોતાના કબ્જામાં પોષડોડવાનો જથ્થો જેનું વજન 4 કિલો 920 ગ્રામ કિ.રૂ. 14760 તથા આરોપીની અંગઝડતીમાંથી કો-પેડ મોબાઇલ નંગ-1 કિ.રૂ.500નો મળી કુલ કિ.રૂ.15,260નો મુદ્દામાલ સાથે પકડી પાડી ધજાળા પો.સ્ટે એન.ડી.પી.એસ એકટ હેઠળ ગુનો રજીસ્ટર કરાવી કાયદેસરની કાર્યવાહી કરવામાં આવી છે.