নলবাৰী জিলাৰ বৰভাগ ৰাজহচক্ৰৰ অন্তৰ্গত সানেকুছি গাওঁ নিবাসি তথা কোটালকুছি মজলীয়া বিদ্যালয়ৰ অৱসৰি শিক্ষক প্ৰয়াত গিয়াচুদ্দিন আহমেদৰ পূৰ্ণ স্মৃতিত শনিবাৰে সন্ধিয়া সানেকুছি বৰপুখুৰীপাৰ শ্ৰীমন্তশঙ্কৰদেৱ নামঘৰত নামকীৰ্তন কৰে৷উল্লেখ্য যে জন্মসূত্ৰে ইছলাম ধৰ্মী হলেও প্ৰয়াত আহমেদ আছিল হিন্দু আৰু মুছলমানৰ সমন্বয়ৰ হোতা৷সকলো হিন্দুৰ ধৰ্মীয় অনুষ্ঠানতে সহযোগিতা আগবঢ়ো আহমেদৰ মৃত্যুৰ পিচতে সকলোৱে চকুপানী তুকিছিল৷অজস্ৰ হিন্দু লোকৰ উপস্থিতিত তেওঁৰ জানাজা সম্পন্ন হৈছিল৷আনকি সকলো ধৰ্মীয় তথা সামাজিক অনুষ্ঠানে শেষ শ্ৰদ্ধা জনাইছিল৷উল্লেখ্য যে যোৱা ৩০ এপ্ৰিলত তেওঁ সান্ধ্যভ্ৰমণৰ পৰা ওভতাৰ পথত এখল ট্ৰেক্টৰে খুন্দিয়াই চিকিৎসাধীন কৰিছিল৷ইয়াৰ পিচত জি এম চি হস্পিতালত চিকিৎসাধীন অৱস্থাত যোৱা আঠ মেত পৰলোকপ্ৰাপ্তি ঘটে৷শনিবাৰে তেওঁৰ পৰিয়ালৰ উদ্যোগত স্থানীয় হিন্দু সম্প্ৰদায়ৰ লোকৰ সহযোগত উক্ত নামকীৰ্তনৰ আয়োজন কৰে৷সচাকৈয়ে সাম্প্ৰতিক সময়ৰ ই এক সমন্বয়ৰ বাৰ্তা৷নামকীৰ্তন অনুষ্ঠানত অঞ্চলৰ সকলো ধৰ্মৰ প্ৰায় তিনি শতাধিক লোকে অংশগ্ৰহণ কৰে৷