લખતર-વિરમગામ હાઇવે ઉપર ગેથળા હનુમાનજી નજીક સીમમાં જાહેરમાં જુગાર રમતા 6 શખ્સોને ઝડપી પાડી લખતર પોલીસ દ્વારા કાયદેસરની કાર્યવાહી હાથ ધરવામાં આવી છે. જ્યારે આ રેડ દરમિયાન 5 શખ્સો નાસી છૂટયા હતા. ત્યારે આ નાસી છૂટેલા શખ્સોની લખતર પોલીસ દ્વારા અટકાયત કરવામાં આવી હતી.લખતર પોલીસ ટીમે ગેથળા હનુમાનજી મંદિર સામે આવેલ સીમમાં જાહેરમાં જુગાર રમતા શખ્સો પર રેડ કરતા જુગાર રમતા શખ્સોમાંથી 6 શખ્સને કુલ રૂ.14,370નાં મુદ્દામાલ સાથે ઝડપી પાડયા હતા. જ્યારે આ રેડ દરમિયાન સંજયભાઈ ઝીણાભાઈ ઘુઘલીયા, ઇરફાનભાઈ યુનુસભાઈ સંધવાણી, વનરાજભાઈ કલાભાઈ જખવાડીયા, જીતેન્દ્રભાઈ ઉર્ફે જીતુ જગજીવનભાઇ ગળથરા તેમજ બળદેવભાઈ ઉર્ફે પીન્ટુ હકાભાઈ ઝાપડિયા નાસી છૂટવામાં સફળ રહ્યા હતા. આ નાસી છૂટેલા શખ્સોની લખતર પોલીસ દ્વારા અટકાયત કરવામાં આવી હતી. જેથી પોલીસે તેઓની અટક કરી કાયદેસરની કાર્યવાહી હાથ ધરી હતી.