ઓડિસાથી 3 મહિનાથી ગુમ યુવકનું જોરાવરનગર પોલીસે પરિવાર સાથે સુખદ મિલન કરાવ્યું હતું. તે સમયે ભાવુક દ્રશ્યો સર્જાયા હતા. હોટલમાં વેઈટર તરીકે કામ કરતો યુવક કામથી કંટાળી ગયો હતો અને પોતાના પરિવારને છોડી રેલવે મારફતે સુરેન્દ્રનગર આવી ગયો હતો.આ દરમિયાન અચાનક સ્થાનિક લોકોએ રસ્તે રખડતા યુવકને સુરેન્દ્રનગરની જોરાવરનગર પોલીસ સ્ટેશનને સોંપ્યો હતો. બાદમાં જોરવરનગર પોલીસે પરિવાર સાથે વીડીયો કોલથી વાત કરાવી અને આ વાતની ખરાઈ કરી હતી. છેલ્લા 3 માસથી ઘરેથી ગુમ યુવકના પરિવારજનોને પોલીસ મથકે બોલાવવામાં આવ્યા હતા. ઓડિસાથી 3 મહિનાથી ગુમ યુવકનું જોરાવરનગર પોલીસે પરિવાર સાથે સુખદ મિલન કરાવ્યું હતું. આ ગુમ યુવકનું અંદાજે 3 માસ બાદ પરિવારજનો સાથે મિલન બાદ પોલીસ મથકમાં જ ભાવુક દ્રશ્યો સર્જાયા હતા.