પાવીજેતપુર હાઇસ્કુલ માં ઉત્સાહ ઉમંગ સાથે " મેરી મિટ્ટી મેરા દેશ " કાર્યક્રમ યોજાયો
પાવીજેતપુર શ્રીમતી વી આર શાહ સાર્વજનિક હાઇસ્કુલ માં ખૂબ જ ઉત્સાહ ઉમંગ સાથે આઝાદી કા અમૃત મહોત્સવ ના ભાગરૂપે મેરી મિટ્ટી મેરા દેશ કાર્યક્રમ યોજાયો હતો. જેમાં ઉપસ્થિત તમામ અગ્રણીઓ તેમજ વિદ્યાર્થીઓ દ્વારા મિટ્ટી હાથમાં લઈ સંકલ્પ લેવામાં આવ્યો હતો.
પ્રાપ્ત માહિતી મુજબ આઝાદી કા અમૃત મહોત્સવ અંતર્ગત " મેરી મિટ્ટી મેરા દેશ " પાવીજેતપુર ની શ્રીમતી વી આર શાહ સાર્વજનિક હાઇસ્કુલના પટાગણમાં ૧૨ ઓગષ્ટ ને શનિવારે કેળવણી મંડળના પ્રમુખશ્રી, શાળાના આચાર્યશ્રી અને તમામ સ્ટાફ મિત્રોએ માટી લઈને પંચપ્રણ નો ભવ્ય સંકલ્પ લીધો હતો. વિદ્યાર્થીઓના પ્રતિનિધિઓએ પ્રતિજ્ઞાઓ લીધી હતી. ત્યારબાદ નગર મા ભવ્ય રેલી નું આયોજન કરવામાં આવ્યું હતું.આ રેલી મા શાળા ના એન.એસ.એસ.યુનિટ , લિટલ લિટરસિ ક્લબ અને ઇકોક્લબ દ્વારા દેશભક્તિને લાગતા નારાઓ, સ્વચ્છતા ને લગતા સૂત્રોચાર અને વ્યસન છોડો દેશ બચાવો નારાથી પાવીજેતપુર નગર ગુંજી ઉઠ્યું હતું.પાવીજેતપુર પોલીસ સ્ટેશન ના મિત્રો ના સહકાર થી રેલી નિર્વિઘ્ન પુરી થઈ.
આમ, પાવીજેતપુર હાઈસ્કૂલમાં મેરી મિટ્ટી મેરા દેશ કાર્યક્રમ ખૂબ જ ઉત્સાહ ઉમંગ સાથે યોજવામાં આવ્યો હતો.
