સુરેન્દ્રનગર જિલ્લાના ધ્રાંગધ્રા કુડા ચોકડી હાઈવે પર સ્ટોનપાર્ક, તોરણ હોટલ પાસે પથ્થરની લાટીમાં કામ કરતા બળદેવભાઈ ઝાલાભાઇ ભરવાડ નામના 34 વર્ષના યુવાનને શોર્ટ લાગતા ઘટનાસ્થળે જ કમકમાટીભર્યું મોત નિપજ્યું હતું. આ યુવાનના બંને પગમાં અને માથાના ભાગની પાછળના ભાગમા ઈજાના નિશાન જોવા મળ્યા હતા. વીજ શોર્ટ લાગતા યુવાનનું મોત થતા ઘેરા શોકની લાગણી ફેલાઇ જવા પામી હતી.ત્યારે યુવાનની ડેડ બોડીને સરકારી હોસ્પિટલ ખાતે પી.એમ. માટે ખસેડવામાં આવી હતી. પોલીસને ઘટનાની જાણ થતા ધ્રાંગધ્રા પોલીસ સરકારી હોસ્પિટલ પહોંચી હતી. ત્યારે પીજીવીસીએલના અધિકારીઓ પણ સરકારી હોસ્પિટલ ખાતે પહોંચ્યા હતા. બનાવની વિગતની તપાસ હાથ ધરી હતી. ત્યારે વધુ આ કેસની વધુ તપાસ ધાંગધ્રા તાલુકા પોલીસ ચલાવી રહી છે.