એલસીબી પો.ઈ. વી.વી. ત્રિવોદીએ એલસીબીના પો.સ.ઈ. જી.એસ. સ્વામી તથા એલસીબીના પોલીસ સ્ટાફની અલગ અલગ ટીમો. સુ.નગર જીલ્લામાં સઘન પેટ્રોલીંગ કરી ખાસ એકશન પ્લાન હેઠળ પ્રોહી/ જુગારની બદી સંપૂર્ણપણે નેસ્તનાબુદ થાય તે રીતે પરીણામ લક્ષી કામગીરી કરવા સુચના તથા માર્ગદર્શન આપતા એલસીબી ટીમ દ્વારા સુ.નગર જીલ્લા વિસ્તારમાં ખાસ પેટ્રોલીંગ હાથ ધરવામાં આવેલ. તે દરમ્યાન એલસીબી ટીમ દ્વારા અગાઉથી બાતમી મળેલ હતી. મનુભા ઉદુભા ઝાલા જાતે દરબાર રહે.વીરનગર તા.પાટડી વાલા વીસનગર ગામની સીમ, નવુ તળાવ નામની સીમ વિસ્તારમાં આવેલ પોતાના ક્બજા ભોગવટા વાળા ખેતરની ઓરડીના રૂમમાં બહારથી માણસો બોલાવીગંજીપાના વતી પૈસાની હારજીતનો તીનપતીનો જુગાર રમી રમાડી પોતાના આર્થીક લાભ માટે નાળ ઉઘરાવી જુગારનો અખાડો ચલાવે છે અને હાલ તે પ્રવૃતિ ચાલુ છે. જે બાતમી હકીકત આધારે એલસીબી દ્વારા પુરતા પોલીસ સ્ટાફ સાથે બાતમી વાળી જગ્યાએ જઈ રેઈડ કરતા કુલ 5 આરોપીઓને રોકડા રૂા.24,670 તથા મોબાઈલ ફોન નંગ-6 કીં.રૂા.27000 તથા ગંજીપાના ગાદલા નંગ-2 તથા ફોર વ્હીલ ગાડી નંગ-1 કી.રૂા.3,00,000 તથા મો.સા.નં.-2 કી. રૂા.60,000 એમ મળી કુલ રૂા.4,11,670ના મુદામાલ સાથે પકડી પાડી તમામ મુદામાલ કબજે કરી તમામ આરોપીઓ વિરૂધ્ધ ઝીંઝુવાડા પોલીસ સ્ટેશનમાં જુગારધારા કલમ-4,5 મુજબ ગુન્હો રજી. કરાવી આગળની કાર્યવાહી હાથ ધરવામાં આવેલ છે.