ડીસા તાલુકા પોલીસની ટીમે રાણપુર ઉગમણાવાસમાં જુગાર રમતાં ડીસા મોઢેશ્વરી સોસાયટીનો શાંતિ મશરૂભાઇ, મોટી ઢાંણી માલગઢનો અનીલભાઇ કેસાજી માળી, જુની ભીલડીનો અતુલભાઇ મણીલાલ ડાભી, ડીસાનો નવીનભાઇ પ્રભુદાસ ઠક્કર, વર્ધમાન સોસાયટીનો નિર્મળભાઇ જશવંતભાઇ રાઠોડ, ગાયત્રીનગરનો પ્રકાશ શંકરલાલ ઠક્કર, છત્રાલાનો ચમનભાઇ ઇશ્વરભાઇ નાયી, માલગઢનો વિરેશ પ્રહલાદભાઇ પઢિયાર, અને મોટી ઢાણી માલગઢનો રસીક અશોકભાઇ સોલંકીને ઝડપી લીધો હતો. જ્યારે રાણપુરનો દિનેશભાઇ કાળુભાઇ ઓગોડ નાસી ગયો હતો. પોલીસે કુલ રૂપિયા 80,820 રોકડા, તેમજ મોબાઇલ અને બાઇક મળી કુલ રૂપિયા 2,55,000નો મુદ્દમાલ કબ્જે લઇ કાયદેસરની કાર્યવાહી હાથ ધરી હતી.