ৰহা মোলানকটা নিবাসী প্ৰাক্তন আছু নেতা,অসম আন্দোলনৰ সক্ৰিয় কৰ্মী বিৰিঞ্চি কুমাৰ ভূঞা ৰ আজি বিয়লী মৃত্যু হোবাত সমস্ত ৰহা অঞ্চল শোকস্তবদ্ধ হোবাৰ লগতে বিভিন্ন দল সংগঠনে গভীৰ শোক প্ৰকাশ কৰি বিদেহী আত্মা চিৰ শান্তি ৰ প্ৰাৰ্থনা কৰিছে।
বুকুৰ বিষ অনুভৱ কৰাত নগাঁও আৰু পাছত গুৱাহাটী চিকিৎসা মহাবিদ্যালয় হাস্পতালত ভৰ্তী কৰোবা হৈছিল আৰু আজি বিয়লী গুৱাহাটী চিকিৎসা মহাবিদ্যালয় ত মৃত্যু হয়।নগাওঁ জিলা ছাত্ৰ সন্থা ৰ প্ৰাক্তন বিত্ত সম্পাদক, অসম আন্দোলন ৰ সক্ৰিয় কৰ্মী, নগাঁও জিলা উন্নতি সভাৰ সহকাৰী সম্পাদক ৰ পদ অলংকৃত কৰা তথা ৰহা বহাগী মেলা,ৰহা পুৰনাচাৰিআলী দুৰ্গা পূজা উৎসব উদযাপন সমিতি সহ ৰহাৰ বিভিন্ন অনুষ্ঠান প্ৰতিষ্ঠান ৰ লগতে জডিত হৈ সেবা প্ৰদান কৰা বিৰিঞ্চি কুমাৰ ভূঞা ৰ আকস্মিক মৃত্যু ত নগাঁও জিলা ছাত্ৰ সন্থা, ৰহা আঞ্চলিক ছাত্ৰ সন্থা, ৰহা আঞ্চলিক জাতীয়তাবাদী যুব ছাত্ৰ পৰিষদ, ৰহা আঞ্চলিক মাছ,ৰহা বহাগী মেলা,ৰহা আঞ্চলিক সাংবাদিক সন্থা,ৰহা আঞ্চলিক তিবা ছাত্ৰ সন্থা, ৰহা সূৰ্যবতী শাখা সাহিত্য সভা, ৰহা সাহিত্য সভা, ৰহা ৰহা লেখিকা সমাৰোহ সমিতি,ৰহা উন্নয়ন সমিতি,ৰহা পৌৰসভা ব্যবসায় সন্থা,ৰহা আঞ্চলিক টাই আহোম ছাত্ৰ সন্থা ৰ লগতে ৰহা সমষ্টিৰ বিধায়ক শশীকান্ত দাস, সদৌ অসম তিবা ছাত্ৰ সন্থা ৰ উপদেষ্টা প্ৰহ্লাদ কুমাৰ মছৰং,সদৌ অসম ছাত্ৰ সন্থা ৰ সহকাৰী সাধাৰন সম্পাদক মৃদুল হাজৰিকা,মানব অধিকাৰ সংগ্ৰাম সমিতি মাছ কেন্দ্ৰীয় সমিতিৰ সচিব প্ৰধান লক্ষী প্ৰসাদ ডেকা, ৰহা আঞ্চলিক ছাত্ৰ সন্থা ৰ সভাপতি সঞ্জয় কুমাৰ কাকতি, সম্পাদক ভাৰত বৰুৱা, ৰহা আঞ্চলিক জাতিয়তাবাদী যুব ছাত্ৰ পৰিষদ ৰ সভাপতি নিলোৎপল হাজৰিকা,সম্পাদক ৰুবুল মুদৈ, ৰহা আঞ্চলিক সাংবাদিক সন্থাৰ সভাপতি দীপক কুমাৰ শৰ্মা,সম্পাদক পংকজ বৰা,অকণিৰ কবিতা ঘৰ অসম কেন্দ্ৰীয় সমিতি ৰহাৰ প্ৰধান পৰিচালক অবনী কুমাৰ শইকিয়া,প্ৰধান সম্পাদক ৰন্টু মুদৈ সহ ৰহাৰ বিভিন্ন দল সংগঠন,অনুষ্ঠান, প্ৰতিষ্ঠান আৰু ব্যক্তিয়ে গভীৰ শোক প্ৰকাশ কৰি বিদেহী আত্মা চিৰ শান্তি প্ৰাৰ্থনা কৰে।ভূঞাই অনেক আত্মীয় স্বজনক এৰি থৈ গৈছে।
লগতে ৰহা আঞ্চলিক ছাত্ৰ সন্থা ই ভূঞাৰ মৃত্যুৰ শোকত অহাকালি দিনৰ ১১টালৈ ৰহা ব্যবসায় প্ৰতিষ্ঠান বন্ধ ৰ আহ্বান জনাইছে।
