ডিব্ৰুগড় জিলাৰ মৰাণ ৰাজহ চক্ৰ বিষয়াৰ কাৰ্য্যালয়ৰ অন্তৰ্গত মৰাণ লাচিত নগৰত ৩৭নং ৰাষ্ট্ৰীয় ঘাই পথত বৃহস্পতিবাৰে সন্ধিয়া সাত মান বজাত খোজ কাঢ়ি গৈ থকা মহিলাক খুন্দিয়ালে স্কুটিয়ে। দুৰ্ঘটনাত স্কুটি চালক আৰু মহিলা দুয়োগৰাকীয়ে আহত হয়। ততাতৈয়াকৈ স্থানীয় লোকৰ তৎপৰতাত দুয়োক মৰাণ মেডিকেল চেণ্টাৰলৈ নিয়া হয়। ।জানিব পৰা মতে লাচিত নগৰ নিৱাসী ৬৫ বছৰীয়া প্ৰনতী কাকতি ক খটখটিৰ নিৱাসী সুশান্ত দাসে স্কুটিৰে মৰাণৰ দিশে আহি থাকোতে খুন্দিয়ায় যাৰ ফলত দুয়ো আহত হয়।