સાયલા પીએસઆઇ એચ.જી. ગોહિલ, સર્વેલન્સ સ્કવોર્ડના મુકેશભાઇ, યશવંતસિંહ, નરેન્દ્રસિંહ સુરૂભા, સુખદેવસિંહ ચંદુભા સહિતના કર્મી સાયલા વિસ્તારમા પેટ્રોલિંગમા હતા. દરમિયાન ચોરવીરા ગામે દારૂની બાતમીના આધારે રેડ કરતા સુરેશભાઇ મારુણીયાના મકાને ટ્રેક્ટર અને ટ્રોલીમાં રહેલો દારૂ ઝડપ્યો હતો. જેમાં રસીકભાઇ ધુડાભાઇ કામળીયા તથા સવજીભાઇ માનસીંગભાઇ માથાસુરીયાનાઓ એકબીજાની મદદગારીથી સુરેશભાઇના મકાનેથી ટ્રેક્ટરમાં ભરીને તેમજ દારૂ રાખીને હેરાફેરી તેમજ વેચાણ કરતો હોવાનું બહાર આવ્યું હતું.તપાસ કરતા વિદેશી બોટલ નંગ 276 કુલ કિમત રૂ.79,200 અને બીયર ટીન,નંગ-48 કિમત રૂ.4800 મળી આવી હતી. પોલીસે ટ્રેકટર 2,00,000 અને ટ્રેકટરની ટોલી કિમત રૂ.50,000 તેમજ બાઇક નંગ-2 કિંમત.રૂ.50,000, મોબાઇલ ફોન નંગ-3 કિંમત રૂ. 11,000 સાથેના કુલ રૂ.3,95,000નો મુદામાલ ઝડપી પાડયો હતો. વિદેશી દારૂની વધુ તપાસ કરતા તેને ચોરવીરા (થાન)ના વિક્રમભાઇ ભીમાભાઇ અને વિરમભાઇ દેવશીભાઇનો દારૂ હોવાનું જણાવતા અને હાજર ન મળતા પોલીસે 5 સામે ગુનો દાખલ કરીને કાર્યવાહી શરૂ કરી હતી.