সম্প্ৰতি খৰাং বতৰৰ বাবে বহুতো খেতিপথাৰত পানী নোহোৱা হোৱাত কৃষক সকল বিপদত পৰিছে৷বৰ্তমান বেচিভাগ পথাৰৰে খেতিয়কে বৰষুণৰ অপেক্ষাত ৰৈ থাকিব লগা অৱস্থা হৈছে৷কাৰণ চৰকাৰী জলসিঞ্চন ব্যৱস্থা আছে যদিও সময়ত কৃষকক পানী যোগান ধৰিব নোৱাৰে বিভাগটোৱে৷ ইয়াৰ ভিতৰত নলবাৰী জিলাৰ বাহাৰঘাটৰ বৰলীয়া নৈৰ গৰখীয়া থান জলসিঞ্চন কেন্দ্ৰটোৰ কথাই উল্লেখ কৰিব পাৰি৷উক্ত কেন্দ্ৰটোৰ বৈদ্যুতিক মটৰকে ধৰি বহুতো সামগ্ৰী চোৰে নিয়াত সম্প্ৰতি কেন্দ্ৰটো বিকল হৈ আছে৷আনহাতে উক্ত কেন্দ্ৰৰ ওচৰতে থকা হাতীমাৰী কেন্দ্ৰটোৰ পানী পৰিবাহী নলা সমূহ ঠিকাদাৰে এটাবছৰতো সম্পূৰ্ণ কৰিব নোৱাৰিলে৷বৰ্তমান নলাটোৰ কাষতে শিলবালি আৰু ইটা সমুহ সিচৰিত হৈ পৰি আছে৷ৰাইজৰ মতে ঠিকাদাৰে মইমতালিৰে কামটো সম্পূৰ্ণ নকৰিলে৷ৰাজনৈতিক আশীষপূষ্ঠ এইসকল ঠিকাদাৰৰ ক্ষেত্ৰত বিভাগেও কোনো ব্যৱস্থা গ্ৰহণ কৰিব নোৱাৰে৷ফলত ৰাইজে যন্ত্ৰণা ভোগ কৰিব লগীয়া হৈছে৷৷