कँबिनेट पदाची शपथ आ.संदीपान भुमरे यांनी घेताच पाचोडमध्ये जल्लोष

पाचोड(विजय चिडे) पैठण मतदारसंघांचे आमदार संदीपान भुमरे यांनी आज कँबिनेट पदाची शपथ घेताच त्यांच्या मुळगावी पाचोड येथे भुमरे समर्थक गटाने ढोलताशा लावत,फटाके फोडत जल्लोष केला असून पैठण तालुक्यातिल ग्रामीणमध्ये देखील कार्यकर्त्यांनी एकमेकांना पेढे भरवत,आमदार भुमरे यांच्या विजयाच्या घोषणा देत जल्लोष केला. महिनाभरापासून राज्यातील राजकीय अस्थिरता संपुष्टात आली आणि भाजपच्या पाठिंब्यावर एकनाथ शिंदे मुख्यमंत्रिपदी विराजमान झाले होते. मात्र अद्यापही मंत्रिमंडळ प्रस्थापित झाले नव्हतं अखेर आज राजभवनात भारतीय जनता पार्टीचे ९ आमदार आणि शिंदे गटातील ९ आमदारने कँबिनेट पदाची शपथ घेतली असुन यात पैठण मतदार संघाचे आमदार संदीपान भुमरे यांनी कँबिनेट पदाची शपथ घेताच त्यांच्या मुळगावी पाचोडमध्ये एकच जल्लोष झाला. यावेळी आमदार भुमरे यांना या सरकारमध्येही पुन्हा कँबिनेट मध्ये जागा मिळाल्याने भुमरे समर्थकांमध्ये वेगळाच आनंद पाहायला मिळाला.

यावेळी कृष्णा भुमरे,जिजा भुमरे,शिवाजी भालसिंगे,राहूल नारळे,पवन तारे,राजू शेख,नितीन वाघ,आंनद शेळके,संभाजी शेळके,दिनकर मापारी,बप्पासाहेब चावरे,ज्ञानेश्वर वाघ,आबासाहेब भुमरे,मनोज मेहता,भगवान नाराळे,विठ्ठल भुमरे,आप्पासाहेब भूमरे आदी जण उपस्थित होते.