લીંબડી નેશનલ અને સ્ટેટ હાઈ-વે પર અકસ્માતના 2 બનાવો બન્યા હતા જેમાં 14 લોકોને ઈજા પહોંચી હતી. ઘાયલોને સારવાર માટે લીંબડી અને સુરેન્દ્રનગર હૉસ્પિટલે ખસેડાયા હતા. મોરબીના કૃપાનિધિ રવાપર પાસે પ્રાણનગર-2માં રહેતા કૌશિક ગાંધીની પુત્રી પ્રેશાની અમદાવાદ ખાતે સગાઈ હતી. સગાઈનો પ્રસંગ પૂર્ણ કરી પરિવાર સાથે તેઓ મોરબી પરત ફરી રહ્યા હતા.ત્યારે લીંબડી હાઈ-વે પર તેમની કારને અન્ય કારે ટક્કર મારતાં અકસ્માત સર્જાયો હતો. અકસ્માતમાં કૌશિકભાઈ, નેહાબેન, ક્રિનાબેન અને કાર ચાલક રફીકભાઈને ઈજા પહોંચી હતી. અન્ય એક અકસ્માતમાં લીંબડી-પાણશીણા રોડ પર ઉંટડી ગામ નજીક છકડો અને રિક્ષા અથડાતાં અકસ્માત સર્જાયો હતો.​​​​​​​અકસ્માતમાં બાબુભાઈ ચૌહાણ, હિરાભાઈ ગોવિંદભાઈ, નાનજીભાઈ મગનભાઈ, માયાબેન બાબુભાઈ, રતનબેન જેઠાભાઈ, ઉકાભાઈ માલાભાઈ, હેતલબેન પુનાભાઈ, ભાવેશ પુનાભાઈ, મનુબેન પેથાભાઈને ઈજા પહોંચી હતી. ઘાયલોને લીબડી અને સુરેન્દ્રનગર ખસેડાયા હતા.