કડી શહેર તેમજ તાલુકામાં ઝરમર ઝરમર વરસાદ વરસી રહ્યો છે ત્યારે કડી તાલુકાના ઢોરિયા ગામના યુવક પોતાના મિત્ર સાથે કડી બાજુ આવી રહ્યા હતા ત્યારે વરસાદ વરસતા ઝાડની નીચે ઉભા હતા અને અચાનક જ કડાકા સાથે વીજળી બંને મિત્રો ઉપર પડી હતી. જેમાં એક મિત્રનું કરુણ મોત નીપજ્યું હતું અને બીજા મિત્રને ઇજાઓ પહોંચી હતી.

કડી તાલુકામાં છેલ્લા 24 કલાકમાં અડધા ઇંચથી પણ વધુ વરસાદ વર્ષો છે. ગુરુવારે દિવસ દરમ્યાન ઝરમર ઝરમર વરસાદ વરસી રહ્યો હતો. જ્યારે સાંજના સમયે કડી તાલુકાના ઢોરિયા ગામના પટેલ મુકેશ ભગવાનભાઈ એકટીવા લઈને સાદરા ગામે આવ્યા હતા અને તેમના મિત્ર પટેલ રાકેશ રમેશભાઈ સાથે કડી તરફ કામકાજ સારું આવી રહ્યા હતા.  વરસાદ તડાકા ભડાકા સાથે વરસતા બંને બલાસર પાસે ઝાડ નીચે ઉભા હતા અને કડાકા સાથે વીજળી બંને મિત્રો ઉપર પડી હતી. જેમાં સ્થળ ઉપર જ મુકેશનું કરુણ મોત નીપજ્યું હતું જ્યારે રાકેશને ઇજાઓ પહોંચી હતા સારવાર માટે હોસ્પિટલમાં દાખલ કરવામાં આવ્યો છે.