শিৱসাগৰ জিলাৰ সহকাৰী শ্ৰম আয়ুক্তৰ আহ্বান মৰ্মে ডিমৌ ৰাজহ চক্ৰৰ অন্তৰ্ভুক্ত গোঁসাইবাৰী বাগিচাত বৰ্তমান দেখা দিয়া জটিল পৰিস্থিতিৰ ওপৰত এক আলোচনা সভা অনুষ্ঠিত হৈ যায়। সভাত গোঁসাইবাৰী অৰ্থাৎ দিহিং চাহ কোম্পানীৰ প্ৰতিনিধি আৰু ইফৰান আলিৰ উপস্থিতিত শাখা সংঘৰ জ্যেষ্ঠ সম্পাদক - লক্ষেশ্বৰ তাঁতী, সভাপতি - মনোজ তাঁতী , সহকাৰী সম্পাদক - প্ৰমোদ সিং তাঁতীৰ ওপৰিও বাগিচাখনৰ শ্ৰমিক - কৰ্মচাৰী সকল উপস্থিত থাকে। শাখা সংঘৰ তৰফৰ পৰা বাগিচাখনৰ মালিক পক্ষৰ অবহেলাৰ ফলত সৃষ্টি হোৱা অচলাৱস্থাৰ ওপৰত বিশেষ ভাৱে আলোচনা কৰাৰ অন্তত বাকী থকা শ্ৰমিক - কৰ্মচাৰী সকলৰ দৰমহা - ৰেচন অহা ইং ২১-০৭-২০২৩ তাৰিখৰ ভিতৰত আদায় দিবলৈ চুক্তি কৰা হয়। পুনৰ অহা ইং ২৪-০৭-২০২৩ তাৰিখে কোম্পানীটোৰ ডাইৰেক্টৰৰ লগত আলোচনা কৰা হ'ব।