শিৱসাগৰৰ জিলাৰ পশ্চিম বকতাত বানৰ সংহাৰী ৰূপ ৷ দিচাং আৰু দিৰৈ নদীৰ ওভতনি পানীয়ে মহাসাগৰলৈ পৰিণত কৰিছে পশ্চিম বকতা বহুকেইখন গাওঁ। দিশহাৰা ৰাইজৰ খবৰ লবলৈ আহৰি নাই জনপ্ৰতিনিধি তথা চৰকাৰী বিষয়া কৰ্মচাৰীৰ ৷ বৃহত্তৰ পশ্চিম বকতাৰ প্ৰায় ২০ খনতকৈ অধিক গাওঁ বৰ্তমান বানপানীৰ কৱলত। বহুকেইখন গাঁৱৰ সংযোগী পথৰ ওপৰেদি বাগৰিছে পানী , খেতিপথাৰ জলমগ্ন । বিশেষভাৱে বানত অঞ্চলটোৰ বাট-পথসমূহ বুৰ যোৱাত যাতায়াতৰ ক্ষেত্ৰত ৰাইজ সমস্যাৰ সন্মুখীন হৈছে। আনহাতে কৃষক ৰাইজৰ শালি খেতিৰ কঠীয়া বানত বুৰ যোৱাৰ ফলত নষ্ট হোৱাৰ সম্ভাৱনা প্ৰৱল হৈ পৰিছে। বৰষুণৰ বাবে নদীৰ বাঢ়নী পানীৰ প্ৰভাৱ বৃদ্ধি পোৱাত পশ্চিম বকতাৰ অধিক গাঁও বানত আক্ৰান্ত হোৱাৰ সম্ভাৱনা আছে। বানাক্ৰান্তৰ খৱৰ লবলৈ নাই কোনো বিভাগীয় বিষয়া কৰ্মচাৰী নাই কোনো মন্ত্ৰী বিধায়ক ৷