অন কেমেৰা ঠিকাদাৰ আৰু কাম কৰা মিষ্ট্ৰিক ধমক বিধায়ক চক্ৰধৰ গগৈৰ । বিসংগতিপূৰ্ণ পকী বেৰা ভাঙি পেলোৱাৰ নিৰ্দেশ বিধায়কগৰাকীৰ । মৰাণৰ কৃষি বীজ পাম নিগমৰ ভূমিত প্ৰায় কোটি টকা ব্যয়েৰে নিৰ্মাণ কাৰ্য চলি আছে জিলা কৃষি বিষয়া কাৰ্যালয়ৰ । বুধবাৰে বিধায়ক চক্ৰধৰ গগৈয়ে হঠাৎ নিৰ্মীয়মান কাৰ্যালয়ত উপস্থিত হৈ নিৰ্মাণ কাৰ্য পৰিদৰ্শন কৰে । পৰিদৰ্শনৰ সময়ছোৱাত কাৰ্যালয়টোৰ কিছু অংশ আঁসোৱাহপূৰ্ণ ভাৱে নিৰ্মাণ কৰা প্ৰত্যক্ষ কৰি খং উঠে বিধায়কগৰাকীৰ । লগে লগে কাম কৰি থকা মিষ্ট্ৰিক আঁসোৱাহপূৰ্ণ অংশ ভাঙি পেলাই পুনৰ নিৰ্মাণ কৰিবলৈ নিৰ্দেশ দিয়ে বিধায়কগৰাকীয়ে । ইঞ্জিনিয়াৰক ফোন যোগেৰে অৱগত কৰাৰ লগতে কাম চাই যাবলৈ কয় বিধায়কগৰাকীয়ে । ইফালে বিধায়কগৰাকীৰ সন্মূখতে আঁসোৱাহপূৰ্ণ কিছু অংশ ভাঙি পেলালে কাম কৰা মিষ্ট্ৰীয়ে ।