ಬೆಂಗಳೂರು : ದಾಸರಹಳ್ಳಿಯ ಬಾಗಲಗುಂಟೆಯ ಶ್ರೀ ಸಾಯಿ ಕಲ್ಯಾಣ ಮಂಟಪದಲ್ಲಿ ಜೀವಸ್ಪಂದನ ಸೇವಾ ಟ್ರಸ್ಟ್ ನ ಹತ್ತನೇ ವಾರ್ಷಿಕೋತ್ಸವ ಪ್ರಯುಕ್ತ ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ ದಾಸರಹಳ್ಳಿ ವಿಧಾನಸಭಾ ಕ್ಷೇತ್ರದ ಶಾಸಕರಾದ ಎಸ್ ಮುನಿರಾಜು ರವರು ಭಾಗವಹಿಸಿ ಸರ್ಕಾರಿ ಶಾಲೆಯ 500 ಮಕ್ಕಳಿಗೆ ಬ್ಯಾಗ್, ನೋಟ್ ಬುಕ್ಸ್, ಪೆನ್ನು, ಅಂಧರಿಗೆ ಸ್ಟಿಕ್, ಬಡವರ್ಗದ ಹೆಣ್ಣು ಮಕ್ಕಳಿಗೆ ಸೀರೆ ವಿತರಿಸಿ, ಜೀವಸ್ಪಂದನ ಸೇವಾ ರತ್ನ ಪ್ರಶಸ್ತಿ ಹಾಗೂ ಪ್ರತಿಭಾ ಪುರಸ್ಕಾರ ಪ್ರದಾನ ಮಾಡಿದರು. ಈ ವೇಳೆ ಜ್ಯೋತಿ ಆಡಿವಪ್ಪ ಹೊಸುರ (ಕ್ರೀಡೆ), ಎಚ್.ಚಿಕ್ಕ ಆಂಜಿನಪ್ಪ (ಸಂಗೀತ ಕ್ಷೇತ್ರ), ಎಲ್.ಶ್ರೀಧರ್ ಲಕ್ಷ್ಮಣ್ (ಸಮಾಜ ಸೇವೆ), ಎನ್.ಲೋಕೇಶ್ (ಶಿಕ್ಷಣ), ಬಿ.ವಿ.ವಿಜಯಲಕ್ಷ್ಮೀ (ಸಮಾಜ ಸೇವೆ) ಅವರು ಜೀವಸ್ಪಂದನ ಸೇವಾ ರತ್ನ ಪ್ರಶಸ್ತಿಗೆ ಭಾಜನರಾದರು.

ಈ ಸಂದರ್ಭದಲ್ಲಿ ಕಿರುತೆರೆ ನಟ ಬ್ರೋಗೌಡ ಶಮಂತ್, ಜೀವಸ್ಪಂದನ ಸೇವಾ ಟ್ರಸ್ಟ್ ನ ಸಂಸ್ಥಾಪಕ ಅಧ್ಯಕ್ಷರಾದ ಶ್ರೀ ಜೀವನ್ ಕಿಶೋರ್ ಮತ್ತಿತರರು ಉಪಸ್ಥಿತರಿದ್ದರು.