સુરેન્દ્રનગર જિલ્લાના ધ્રાંગધ્રા તાલુકા પોલીસ મથકના પીએસઆઈ વિરૂદ્ધ પોલીસ મથકમાં દારૂ પીધેલી હાલતમાં હોવાની ફરિયાદ નોંધાતા પોલીસ બેડામાં હડકંપ મચી જવા પામ્યો છે. જેમાં ધ્રાંગધ્રા તાલુકા પીએસઆઈ વી.બી.વસાવા તાલુકા પોલીસ મથકના કંપાઉન્ડમાં લથડીયા ખાતા અને દારૂ પીધેલી હાલતમાં જણાઈ આવ્યા હતા. આ ઘટનાથી સમગ્ર પંથકમાં ચકચાર મચી જવા પામી છે.ધ્રાંગધ્રા તાલુકા પીએસઆઇ વી.બી.વસાવા ખુદ પોલીસ મથકમાં લથડતી જીભ અને આંખોમાં પણ દારૂ પીધો હોવાનુ જણાઈ આવતા ધ્રાંગધ્રા તાલુકા પોલીસ મથકના કોન્સ્ટેબલે પોલીસ ફરિયાદ નોંધાવી હતી. જેમાં પ્રજાની રક્ષા અને સુરક્ષા કરતા પોલીસ અધિકારી જ દારૂ પીધેલી હાલતમાં જણાઈ આવતા દારૂબંધીના લીરેલીરા ઉડ્યા હતા. જેમાં ધ્રાંગધ્રા તાલુકા પોલીસ મથકના પીએસઆઈ વિરૂદ્ધ પોલીસ મથકમાં દારૂ પીધેલી હાલતમાં હોવાની ફરિયાદ નોંધાતા પોલીસ બેડામાં હડકંપ મચી જવા પામ્યો છે.