এছ বি আইৰ দ্বাৰা বিদ্যালয়ত কম্পিউটাৰ প্ৰদান

ভাৰতীয় ষ্টেট বেংকৰ সোণাৰি শাখাৰ তৰফৰ পৰা ১ জুলাইত পালন কৰা "ষ্টেট বেংক দিৱস"ৰ লগত সংগতি ৰাখি আজি কেইটামান ব্যৱহাৰ যোগ্য কম্পিউটাৰ স্থানীয় কেইখনমান চৰকাৰী বিদ্যালয়ত প্ৰদান কৰা হয়। বেংকটোৰ যোৰহাটস্থিত আঞ্চলিক কাৰ্যালয়ৰ অনুমোদন সাপেক্ষে আজি মুঠ চাৰিটা কম্পিউটাৰ সোণাৰিৰ তিনিখন বিদ্যালয় ক্ৰমে জয়া মধ্য ইংৰাজী বিদ্যালয়, গোপী ৰাজখোৱা সোঁৱৰণী মধ্য ইংৰাজী বিদ্যালয় আৰু স্বৰাবলা দাস সোঁৱৰণী প্ৰাথমিক বিদ্যালয়ত প্ৰদান কৰা হয়। কম্পিউটাৰ প্ৰদানৰ এই কাৰ্যসূচীত উপস্থিত থকা শাখাটোৰ মুখ্য প্ৰবন্ধক বিৰজীত সিং আৰু কৰ্মচাৰী আশ্ৰফ আহমেদে ইয়াৰ দ্বাৰা বিদ্যালয় কেইখনৰ ছাত্ৰ ছাত্ৰী সকলৰ কম্পিউটাৰ শিক্ষাৰ ক্ষেত্ৰত যথেষ্ঠ সহায়ক হব বুলি আশা প্ৰকাশ কৰে আৰু শাখাটোৱ আগন্তুক দিনবোৰতো এনে ধৰণেৰে সামাজিক দায়বদ্ধতাৰে আগবাঢ়ি যোৱাৰ প্ৰতিশ্ৰুতি দিয়ে।