સાબરકાંઠા જિલ્લામાં ગુજરાત વિધાનસભાના અધ્યક્ષ ડો. નિમાબેન આચાર્યના અધ્યક્ષસ્થાને વિશ્વ આદિવાસી દિવસની ઉજવણી કરવામાં આવશે.આવતી કાલે તા. ૯ ઓગસ્ટ ૨૦૨૨ મંગળવાર સવારે ૧0:00 કલાકે આર્ડેકતા કોલેજ, નવી મેત્રાણ, ખેડબ્રહ્મા ખાતે વિશ્વ આદિવાસી દિવસ ની ઉજવણી કરવામાં આવશે.
દેશમાં આઝાદીનો અમૃત મહોત્સવની ઉજવણી થઈ રહી છે ત્યારે ૯ ઓગસ્ટ વિશ્વ આદિવાસી દિને જિલ્લામાં અનેકવિધ વિકાસલક્ષી કામોનું લોકાર્પણ અને ખાતમુહૂર્ત તેમજ વિવિધ યોજનાઓ અંતર્ગત સહાય વિતરણનો કાર્યક્રમ યોજાશે.
આ કાર્યક્રમમાં જિલ્લા સાંસદ દિપસિંહ રાઠોડ, રાજ્યસભા સાંસદ રમીલાબેન બારા, જિલ્લા પંચાયત પ્રમુખ ધીરજભાઈ પટેલ, હિંમતનગર ધારાસભ્ય રાજેન્દ્રસિંહ ચાવડા, ઇડર ધારાસભ્ય હિતુભાઈ કનોડીયા તેમજ ખેડબ્રહ્માના પૂર્વ ધારાસભ્ય અશ્વિનભાઈ કોટવાલ ઉપસ્થિત રહેશે.
