आषाढी एकादशी व बकरीद ईद या सणाच्या निमित्ताने पाचोड पोलीस स्टेशनच्या वतीने पथ संचलन

पाचोड (विजय चिडे)

आषाढी एकादशी तसेच आगामी बकरी ईद व धार्मिक सन उत्सवाच्या पार्श्वभूमीवर पाचोड येथे जलद कृतीदल फोर्स (रॅपिड फायर फोर्स) व स्थानिक पोलीस यांनी पथसंचलन केले असून, पाचोड येथील गावातून व मार्गावरून रूट मार्च काढण्यात आला. आगामी ईद व इतर धार्मिक सन उत्सव सर्वानीच एकोप्याने साजरे करून पाचोड येथील भाईचारा कायम ठेवून पोलीस प्रशासनाला सहकार्य करुन कायदा व सुव्यवस्था अबाधित ठेऊन सण उत्सव साजरा करावा असे अवाहन पाचोडचे सहाय्यक पोलीस निरीक्षक संतोष माने यांनी केले.

शनिवार (दि.२४) रोजी सायंकाळी पाचोड पोलीस ठाण्यापासून पथसंचलनास सुरूवात झाली.पथसंचलन रैली पाचोड येथील पैठण चौक, महामार्ग रस्ता व गावातील प्रमुख मार्गानी जलद कृतीदल फोर्स पथकाचे जवान व स्थानिक पोलीस यांनी संयुक्तरित्या पथसंचलन करून जनजागृती केली. धार्मिक सन उत्सव सर्व समाज बांधवानी एकोप्याने साजरे करावेत. कायदा व सुव्यवस्थेबाबत नागरिकांनी स्वता जागरूक राहून पोलीस प्रशासनाला कायम सहकार्य करावे.कायदा व सुव्यवस्था अबाधित ठेवावी, कायद्याचा भंग करण्याचा जर कोणी प्रयत्न केला तर त्याची गय केली जाणार नाही.