আজি শাওন মাহৰ তৃতীয়টো সোমবাৰ। হিন্দু ধৰ্মীৰ আৰাধ্য দেৱতা শিৱৰ আৰাধনাৰ মাহ। শাওনৰ প্ৰতিটো সোমবাৰে শিৱভক্ত সকলে নৈৰ পানী কঢ়িয়াই আনি স্থানীয় শিৱ মন্দিৰৰ শিৱ লিংগত ঢালে। বল বম উপলক্ষে অৰ্ধ নিশাৰ পৰা শোনিতপুৰৰ খনামুখৰ জীয়াভৰলী নদীৰ পাৰত উখল মাখল পৰিবেশ। নদীৰ পাৰত দেখা গ'ল অজস্ৰ ভক্তৰ ভীৰ । মনৰ মনোবাঞ্চা পুৰণাৰ্থে জিলাখনৰ বিভিন্ন প্ৰান্তৰ ভক্ত সকলে ভীৰ কৰিছেহি নদীৰ পাৰত। ভক্ত সকলে এনেদৰেই নদীৰ পানী লৈ মন বাঞ্চা পূৰনাৰ্থে ১৫ নং ৰাষ্ট্ৰীয় ঘাইপথত খোজ কাঢ়ি ৰাওনা হৈছে দেৱাদিদেৱৰ মন্দিৰ অভিমূখে। মহাদেৱৰ আশিষ লাভৰ অৰ্থে নদীৰ পাৰত এনেদৰে দেখা গ'ল কন কন শিশুৰ পৰা আৱাল বৃদ্ধ বনিতা সকলোকে। মহাদেৱৰ আৰাধনাৰে মাজনিশাৰ পৰা ৰজনজনাইছে জীয়াভৰলীৰ পাৰ।