কিছুদিন পূৰ্বে গুৱাহাটী মহানগৰত খান্দি থোৱা উন্মুক্ত গাঁতৰ বাবে এগৰাকী বিদ্যালয়ৰ ছাত্ৰীয়ে অকাল মৃত্যুক সাৱটি লোৱাৰ পিছত ৰাজ্য চৰকাৰে উক্ত বিষয়টি গুৰুত্বসহকাৰে গ্ৰহণ কৰে। অনুৰূপ ঘটনাত যাতে কোনো লোক দূৰ্ঘটনাত পতিত হ'ব নালাগে তাৰ প্ৰতি লক্ষ্য ৰাখি দৰং জিলা প্ৰশাসনেও সামাজিক মাধ্যমৰ জৰিয়তে এক আহ্বান জনাইছে। দৰং জিলাৰ মূলপথসমূহ, পথাচাৰীয়ে নিতৌ ব্যৱহাৰ কৰা বাট-পথ সমূহৰ লগতে নিৰ্মাণ হৈ থকা যিকোনো নলা -নৰ্দমাৰ উন্মুক্ত গাত বা খালৰ তথ্য দৃষ্টি গোচৰ হোৱাৰ লগে-লগে সচেতন ৰাইজক (ফোন/ৱাটছ এপ)যোগে 94358 44400 নম্বৰত জনাবলৈ উপায়ুক্ত, দৰং এ অনুৰোধ জনায়।