शिरुर तालुक्यात कारसह एकजण जळून खाक

तळेगाव ढमढेरे, प्रतिनिधी

रांजणगाव सांडस (ता. शिरुर) येथील राक्षेवाडी फाटा येथे रात्रीच्या सुमारास एका कारसह कार मध्ये कार चालक जळून खाक झाल्याची घटना घडली असल्याने शिरुर पोलीस स्टेशन येथे आकस्मात मृत्यूची नोंद करण्यात आल्याची माहिती शिरुर पोलिसांनी दिली आहे.

रांजणगाव सांडस (ता. शिरुर) येथील राक्षेवाडी फाटा येथून संभाजी राक्षे हे १० जून रोजी रात्री अकरा वाजण्याच्या सुमारास त्यांच्या ताब्यातील एम एच १२ टी वाय ५९७९ या स्विफ्ट कार मधून चाललेले होते, घरापासून एक किलोमीटर अंतरावर राक्षे यांची कार आलेली असताना कार रस्त्यालगत जळालेल्या अवस्थेत दिसून आली, कार जळत असल्याचे रस्त्याने जाणाऱ्या नागरिकांच्या लक्षात आल्याने त्यांनी काही नागरिकांच्या मदतीने कारची आग विझवण्याचा प्रयत्न केला, दरम्यान कार मध्ये चालकाचा आगीमध्ये होरपळून खाक होऊन मृत्यू झाल्याचे निदर्शनास आल्याने खळबळ उडाली, त्यांनतर शिरुर पोलिसांनी देखील घटनास्थळी धाव घेत पाहणी केली असता कारला लागलेल्या आगीमध्ये संभाजी शहाजी राक्षे (वय ४८ वर्षे रा. रा.रांजणगाव सांडस ता. शिरुर जि. पुणे) यांचा मृत्यू झाल्याचे समोर आले, तर कारचा अपघात होऊन कारला आग लागली असावी अथवा कार मध्ये शॉर्टसर्किट होऊन आग लागून संभाजी राक्षे यांना कार मधून बाहेर पडणे शक्य न झाल्याने त्यांचा आगीमध्ये होरपळून मृत्यू झाला असावा असा अंदाज पोलिसांनी वर्तवला असून याबाबत ऋषिकेश संभाजी राक्षे (वय २१ वर्षे रा. रांजणगाव सांडस ता. शिरुर जि. पुणे) यांनी शिरुर पोलीस स्टेशन येथे खबर दिली असल्याने शिरुर पोलिसांनी आकस्मात मृत्यूची नोंद केली.