২ জুনত মুক্তিপ্ৰাপ্ত অসমীয়া  চলচ্চিত্ৰ 'শ্ৰীৰঘুপতিয়ে' ৰাজ্যৰ বিভিন্ন প্ৰান্তৰ দৰে মঙ্গলদৈতো দৰ্শকৰ বিপুল সমাদৰ লাভ কৰিছে।দিনটোৰ চাৰিটা দৰ্শনীতে দৰ্শকৰ ভিৰে নিশ্চিত ভাৱে অসমীয়া চলচ্চিত্ৰত সুদিন উভটি আহিছে বুলি চলচ্চিত্ৰৰ অনুৰাগী সকলে অনুভৱ কৰিছে। শ্ৰীৰঘুপতিৰ কাহিনী, সংলাপ,ৰবি শৰ্মা প্ৰমুখ্যে অন্যান্য অভিনেতা সকলৰ সাৱলীল অভিনয়, আকৰ্ষণীয় স্হানত মন চুই যোৱা দৃশ্যায়নে শ্ৰীৰঘুপতিক যে অনন্য মাত্ৰা প্ৰদান কৰিছে সেয়া দৰ্শক সকলে অকপটে স্বীকাৰ কৰিছে।আজি মঙ্গলদৈৰ গ'ল্ড ডিজিটেল চিনেমা হলত প্ৰদৰ্শনীৰ অন্তত কিছুসংখ্যক দৰ্শকৰ সৈতে হোৱা বাৰ্তালাপত শ্ৰীৰঘুপতিয়ে সমাজলৈ এক শক্তিশালী বাৰ্তা প্ৰদানৰ জৰিয়তে দৰ্শকৰ অন্তৰ জয় কৰি ব্যৱসায়িক দিশতো ভাল ফলাফল লাভ কৰিব বুলি মতপোষণ কৰে ।।