জন্মু-কাশ্মীৰত তীৰ্থ যাত্ৰীৰ ওপৰত মৌলবাদী সন্ত্ৰাসবাদী আক্ৰমনক লৈ মৰাণত তীব্ৰ প্ৰতিবাদ বিশ্ব হিন্দু পৰিষদ, বজৰং দল মৰাণ প্ৰখণ্ডৰ । বৈষ্ণো দেৱী মন্দিৰলৈ যোৱা তীৰ্থ যাত্ৰীৰ ওপৰত মৌলবাদী সন্ত্ৰাসবাদীৰ আক্ৰমনত দহজনকৈ তীৰ্থযাত্ৰী নিহত হয় । যাৰ বাবে দেশজুৰি তীব্ৰ প্ৰতিক্ৰিয়াৰ সৃষ্টি হৈছে । আজি মৰাণ নগৰৰ ৩৭ নং ৰাষ্ট্ৰীয় ঘাইপথত প্ৰতিবাদী সমদলেৰে আহি মৰাণ ট্ৰেফিক পইন্টৰ সন্মূখত জেহাদীৰ পুত্তলিকা আৰু পাকিস্থানৰ পতাকা দাহ কৰাৰ লগতে প্ৰায় ১ ঘন্টা ধৰি ঘাইপথ অৱৰোধ কৰে । প্ৰতিবাদী কাৰ্যসূচীৰ জৰিয়তে তীৰ্থযাত্ৰীসকলৰ সুৰক্ষাৰ লগতে হিন্দুসকলৰ সুৰক্ষা নিশ্চিত কৰাৰ দাবীৰ লগতে জেহাদী সকলৰ বিৰুদ্ধে কঠোৰ ব্যৱস্থা গ্ৰহন কৰিবলৈ ভাৰত চৰকাৰক দাবী জনাই সংগঠনটোৱে ।