গোলাঘাটৰ ৰঙাজানত ড্ৰাগছৰ বিৰুদ্ধে অভিযান আৰক্ষীৰ। সদৰ আৰক্ষী থানাৰ ভাৰপ্ৰাপ্ত বিষয়া জিতু ডেকা নেতৃত্ব যোৱা এটা আৰক্ষী দলে অভিযান চলাই ড্ৰাগছ সহ আটক কৰে দুটা ড্ৰাগছ বেপাৰীক। আটকাধীন ৰুবুল হুছেইন আৰু চৈয়দ আফ্ৰিডৰ পৰা ড্ৰাগছৰ পাচটা টেমা জব্দ কৰে।গোলাঘাটৰ লুৰুকীহাটৰ পৰা সৰবৰাহ কৰোতে আৰক্ষীয়ে গোপন সূত্ৰৰ পম খেদি ধৰা পেলাবলৈ সক্ষম হয়। বৰ্তমান দুয়োটাক আৰক্ষী থানাত সোধপোছ অব্যাহত ৰাখি তদন্ত প্ৰক্ৰিয়া আৰম্ভ কৰিছে আৰক্ষী। আৰু কোন কোন এই মাৰাত্মক ড্ৰাগছৰ বেহাৰ লগত জড়িত হৈ আছে তাৰো অনুসন্ধান অব্যাহত আছে।