মৰাণ জিলা ক্ৰীড়া সন্থাৰ উদ্যোগত মৰাণ মহাবিদ্যালয় খেলপথাৰত চলি থকা বিনুপ্ৰভা ‌গগৈ মৰাণ আন্ত:ক্লাৱ "বি" ডিভিজন ফুটবল লীগৰ ছেমিত প্ৰৱেশ কৰিছে বামলাইন নৱজ্যোতি সংঘ আৰু বিপ্তাঘাট ফুটবল চেন্টাৰ । আজি অনুষ্টিত কোৱাৰ্টাৰ ফাইনেলত প্ৰথমখন খেলত বামলাইন নৱজ্যোতি সংঘই খুমটাই ক্ৰীড়া সন্থাক একমাত্ৰ গ'লত পৰাজিত কৰে । দলৰ হৈ গ'লটো দিয়ে পেৰমদন পত্নী ২৯ মিনিটত । আনহাতে দ্বিতীয়খন খেলত বিপ্তাঘাটে বালিখুটি গোমোঠা যুৱ সংঘক ৫-১ গ'লৰ ব্যৱধানত পৰাজিত কৰে । বিপ্তাঘাটৰ হৈ সুমিত লাক্ৰাই ১৪ মিনিটত, বিবেক কিষাণে ২৪ আৰু ৫১ মিনিটত, প্ৰাঞ্জল চুৰিণে ৪৪ মিনিটত আৰু ৰাজ তাঁতীয়ে ৫৯ মিনিটত গ'ল কেইটা দিয়াৰ বিপৰীতে বিলিখুটিৰ বিশাল মিলিয়ে ১৯ মিনিটত একমাত্ৰ গ'লটো দিয়ে । খেল পৰিচালনা কৰে ভাস্কৰজ্যোতি গগৈ, নিহাল চাংমাই, কৌস্তৱ চুতীয়া, নীলম দাস, ভৰত চাওৰা, ক্ষীৰোদ বৰগোহাঁই, আনন্দ মুণ্ডা আৰু বিৰাজ নেৱাৰে ।