પોલીસ સૂત્રો પાસેથી પ્રાપ્ત માહિતી મુજબ મહુવા તાલુકાના બારતાંડ ગામે ખંડાલ ફળિયામાં રહેતા 53 વર્ષીય કિશોરભાઈ લલ્લુભાઈ પટેલ તારીખ 01/05/2023ને સોમવારના રોજ સવારે 8 વાગ્યાના અરસામાં ખંડાલ ફળિયામાં આવેલ વિક્રમભાઈ નગીનભાઈ પટેલના ઘરની પાછળ આવેલ તાડના ઝાડ પર ગલેલી પાડવા ચઢ્યા હતા.ગલેલી પાડતી વેળાએ અકસ્માતે કિશોરભાઈ પટેલ તાડના ઝાડ પરથી નીચે પટકાતા ગંભીર રીતે ઘવાયા હતા.અને ઘટના સ્થળે જ કમકમાટી ભર્યું મોત નીપજ્યું હતું ઘટના અંગે મહુવા પોલીસને મૃતકના પુત્ર અવિનાશ પટેલે જાણ કરતા મહુવા પોલીસે અકસ્માત મોતનો ગુનો નોંધી કાયદેસરની કાર્યવાહી હાથ ધરી હતી.