বৰভাগ ৰাজহচক্ৰৰ অন্তৰ্গত আৰু ঘগ্ৰাপাৰ আৰক্ষী থানাৰ অধীনস্থ কলবাৰী বড়িতোলা চকত আজি নিশা ৭-৩০ মান বজাত এখন নলীনাদৰ পাইপ বৰিং কৰা ট্ৰেক্টৰে গিয়াচুদ্দিন আহমেদ নামৰ এজন অৱসৰপ্ৰাপ্ত শিক্ষকক খুন্দিৱাৰ ফলত আহত হয়৷জানিব পৰামতে ট্ৰেক্টৰ খনে কৰ্মস্থলীৰ পৰা গৰাকীৰ মুকালমুৱা আদাবাৰীৰ ঘৰলৈ যায় থাকোতে দুৰ্ঘটনাটো সংঘটিত হয়৷ঘটনা সংঘটিত কৰিয়ে চালক জনে ৰাইজৰ চকুত ধুলি দি ঘটনা স্থলীৰ পৰা পলায়ন কৰে৷ইতিমধ্যে আহত শিক্ষক গৰাকীক ১০৮ এম্বুলেন্স যোগে নলবাৰী মেডিকেল কলেজ হস্পিতালত চিকিৎসাধীন কৰাই৷অবেশ্যই স্থানীয় সানেকুছি ৰাজ্যিক চিকিৎসালয়ৰ চিকিৎসকে বিপদ মুক্ত বুলি জানিব দিয়ে৷উল্লেখ্য যে কোটালকুছি মজলীয়া বিদ্যালয়ৰ অৱসৰপ্ৰাপ্ত প্ৰধানশিক্ষক আহমেদে প্ৰতিদিনে সান্ধ্য ভ্ৰমণত যায়৷আজিও সান্ধ্য ভ্ৰমণৰ পৰা উভতাৰ সময়ত ঘটনাটো সংঘটিত হয়৷