ডিমাকুছিত প্ৰগতিশীল যুৱ সমাজৰ বহাগী উৎসৱ উদযাপনৰ প্ৰস্তুতি
ওদালগুৰি জিলাৰ ডিমাকুছি চাহ বাগিছাত অহা ৩০ এপ্ৰিলত ডিমাকুছি প্ৰগতিশীল সমাজৰ সৌজন্যত এদিনীয়া বৰ্ণাঢ্য কাৰ্যসূচীৰে বহাগী উৎসৱ উদযাপনৰ আয়োজন কৰিছে। ডিমাকুছি চাহ বাগিছাৰ সাংস্কৃতিক প্ৰেক্ষাগৃহত অনুষ্ঠিত হবলগীয়া বহাগী উৎসৱ উদযাপনত বিভিন্ন ধৰণৰ খেল ধেমালি প্ৰতিযোগিতাৰ লগতে একক বিহু নৃত্য প্ৰতিযোগিতা আৰু মুকলি বিহুৰ উপৰি বিভিন্ন জাতি-জনগোষ্ঠীৰ প্ৰদৰ্শনীমূলক নৃত্য অনুষ্ঠানৰ সমাহাৰ ঘটিব বুলি জানিব দিছে বিহু উদযাপন সমিতিৰ কাৰ্যকৰী সভাপতি দ্বীপেন তালুকদাৰ , সভাপতি অজয় ৰাজবংশী , সাধাৰণ সম্পাদক প্ৰদুম্য প্ৰকাশ শৰ্মাই
