অসম ৰাজ্যিক অংগনৱাদী কৰ্মী সহায়িকা সন্থাৰ উদ্যোগত আজি চৰাইদেউ জিলাৰ মৰাণহাটত অৱস্থিত সোণাৰী সংহত শিশু উন্নয়ন প্ৰকল্প কাৰ্যালয়ত বিক্ষোভ কাৰ্য্যসূচী ৰূপায়ণ কৰাহয়। এই কাৰ্য্যসূচীত প্ৰায় দুইশতাধিক অংগণৱাডী কৰ্মী সহায়িকা ই অংশ গ্ৰহন কৰি তেওঁলোকৰ দাবী সমুহ পূৰণৰ দাৱী জনায়। এই বিক্ষোভ কাৰ্য্যসূচীৰ জৰিয়তে অংগনৱাডী কৰ্মী সহায়িকা।সকলক মাননীৰ সলনি মজুৰি প্ৰদান কৰা , অংগনৱাডী কেন্দ্ৰ সমুহ বিজ্ঞান সন্মত ভাৱে নিৰ্মান কৰা , অৱসৰ গ্ৰহনকৰা অংগনৱাডী কৰ্মী সহায়িকা সকলক অৱসৰ কালীন ভাট্টা প্ৰদান কৰা , ক্ষুদ্ৰ অংগণৱাডী কেন্দ্ৰ সমৃহ পূৰ্ণ পৰ্য্যায়ৰ কেন্দ্ৰলৈ উন্নীত কৰা, মজুৰি প্ৰদান নকৰালৈকে মাননী দহ হেজাৰ টকাকৈ প্ৰদান কৰাকে ধৰি কেইবাটাও দাবী জনাইছে অসম ৰাজ্যিক অংগণৱাডী কৰ্মী সহায়িকাৰ সদস্য সকলে।চৰকাৰে এওঁলোকৰ দাৱী মানি নললে পুনৰ আন্দোলনৰ পথ গ্ৰহন কৰিব বুলি জানিবলৈ দিয়ে