নলবাৰী জিলাৰ বৰভাগ ৰাজহচক্ৰৰ অন্তৰ্গত মনসাপীঠ,দেহাৰকুছিত এইবেলি অনুষ্ঠিত হব লগা ৰূপালী জয়ন্তী বৰ্ষৰ সামৰণি অনুষ্ঠান পৰিচালনা সম্পৰ্কে আলোচনা কৰাৰ বাবে আজি সন্ধিয়া এখন সাধাৰণ সভা অনুষ্ঠিত হৈ যায়৷মনসাপীঠ প্ৰাংগনত ৰূপালী জয়ন্তী সামৰণি সমাৰোহ উদযাপন সমিতিৰ সভাপতি ধীৰেন শৰ্মাৰ সভাপতিত্বত অনুষ্ঠিত সভাত নাগপঞ্চমী পূজাৰ লগত জৰিত সমূহ ৰাইজ উপস্থিত থাকে৷সভাত ৰূপালী সামৰণি সমাৰোহ কেনেদৰে অনুষ্ঠিত কৰা হয় তাৰে বিষয় বিতং আলোচনা কৰা হয়৷ইতিমধ্যে ধীৰেন শৰ্মাক সভাপতি আৰু বিজুফুকন শৰ্মাক সম্পাদক হিচাবে লৈ এখন উদযাপন সমিতি গঠন কৰে৷