આજરોજ બપોરના 3.00 વાગ્યાના આસપાસ વાલોડ મુકામે આવેલી ગેસ એજન્સીમાંથી વિવિધ ફાઈલો અને એચપી ગેસની પાંચ કિલોની 50 બોટલો ભરીને વાલોડ થી નવસારી જતા એક છોટા હાથી ટેમ્પા નંબર જીજે 21 ટી 6326 મહુવા તાલુકાના બોરીયા ગામની સીમમાંથી પસાર થઈ રહ્યો હતો તેવા સમયે ટેમ્પાના એન્જીનના ભાગમાંથી અચાનક ધુમાડો જણાતા ટેમ્પા ચાલક મયુર ચૌધરીએ ટેમ્પો ઉભો રાખતા અચાનક ટેમ્પામાં આગ ભભૂકી ઉઠી હતી. બારડોલી ફાયર બ્રિગેડને જાણ કરાતા ફાયર ઓફિસર પીબી ગઢવી તથા ફાયર ફાઈટરઓએ ઘટના સ્થળે પહોંચી આગને કાબુમાં લીધી હતી.જે દરમ્યાન ટેમ્પામાં આશરે બે લાખ રૂપિયા નું નુકસાન પહોંચ્યું હોવાનું જણાતા કુલિંગ પ્રક્રિયા બાદ મામલો મહુવા પોલીસને સુપ્રત કરાયો હતો.