મહુવા તાલુકાના બામણિયા ગામે આવેલ દક્ષિણ ગુજરાત વીજ કંપનીના બામણિયા સબ ડિવિઝન કચેરીના કર્મચારીઓ વેલણપુર ગામે ઝાડી ફળિયામાં વીજ બિલ ન ભરનાર ગ્રાહકોના વીજ જોડાણ કાપવા ગયા હતા તે દરમિયાન વાતાવરણ તંગ બની ગયું હતું ઉચ્ચ અધિકારી દ્વારા મહુવા પોલીસને ઘટના અંગે જાણ કરવામાં આવતા મહુવા પી.આઈ જે.એ.બારોટ અને સ્ટાફે પોતાની આગવી સૂઝ બુઝથી ગ્રામજનોને સમજાવતા આખરે મામલો થાળે પાડ્યો હતો.અને ત્યારબાદ વીજ કંપનીના અધિકારીઓ દ્વારા વીજ બિલ ન ભરનાર સામે કાયદેસરની કાર્યવાહી હાથ ધરી વેલણપુર ઝાડી ફળિયાના 10 જેટલા વીજ મીટરોના વીજ જોડાણ કાપી લેવામાં આવ્યા હતા મહુવા પી.આઈની આગવી સૂઝ બુઝથી 30 વર્ષ જૂનો પ્રશ્ર ગણતરીના કલાકોમાં જ હલ થઈ ગયો હતો.જેથી દક્ષિણ ગુજરાત વીજ કંપની,બારડોલીના કાર્યપાલક ઈજનેર અંકુર એચ. પટેલ દ્વારા મહુવા પી.આઈ ની કામગીરીને બિરદાવી સન્માન પત્ર આપી સન્માનિત કર્યા હતા.