મહુવા તાલુકાના પુના ગામે બુટવાડા પાટીયા નજીક મહુવા અનાવલ સ્ટેટ હાઇવેને લગોલગ પુના ગામના પરેશભાઈ જીતેન્દ્રભાઈ પટેલ શેરડીના રસ વેચવાનો વ્યવસાય કરી રહ્યા હતા.જેઓ સાંજે 6 વાગ્યાના આસપાસ ઘરે પરત જતા રહ્યા હતા. ત્યારબાદ તેઓ ખેતીના કામ અર્થે ફરી પાછા આવ્યા હતા ત્યારે મશીન ત્યાં જ હતું.પરંતુ વહેલી સવારે આવીને જોતા જ લારીમાં લગાવેલ મશીન ગાયબ થઈ ગયું હતું તેઓ શોધખોળ બાદ મશીન આજુબાજુ નહિ મળતા મશીનની ચોરી થઈ હોવાનું માલુમ પડ્યું હતું અતિ વ્યસ્ત રોડ વચ્ચે આવી ચોરીની ઘટનાને અંજામ આપતા ચોરો હાલ તો મહુવા પોલીસ સામે ચેલેન્જ રૂપ બની જવા પામ્યા છે.