নিজ বিভাগ তথা পঞ্চায়ত আৰু গ্ৰামোন্নয়ণ বিভাগৰ বিষয়া কৰ্মচাৰীৰ মন্থৰ গতিৰ কামৰ বাবে সময় অনুসৰি বিহপুৰীয়া সমষ্টিত ৰুৰবান মিছনৰ কাম সম্পূৰ্ণ হোৱা নাই বুলি ৰাজহুৱা সভাত স্বীকাৰ কৰিলে মন্ত্ৰী ৰঞ্জিত কুমাৰ দাসে ৷ চৰকাৰৰ হাতত পৰ্যাপ্ত পুঁজি থকাৰ পাচতো একমাত্ৰ নিজ বিভাগটোৰ বিষয়া কৰ্মচাৰীৰ বাবে ৰাইজে আচঁনিৰ সুফল লাভ কৰাত পলম হোৱা বুলি স্বীকাৰ কৰে মন্ত্ৰীগৰাকীয়ে ৷ আজি বিহপুৰীয়া সমষ্টিৰ পথালিপাহাৰ গাঁও পঞ্চায়তত এটা কৃষি সেৱা আৰু সংসাধন কেন্দ্ৰৰ লগতে আন এটা পশুপালন প্ৰশিক্ষণ কেন্দ্ৰ মুকলি কৰি নিজ বিভাগটোৰ দুৰ্বলতাৰ কথা প্ৰকাশ কৰে মন্ত্ৰীগৰাকীয়ে ৷ উল্লেখ্য যে বিহপুৰীয়া সমষ্টিত বৰবালি ,পথালিপাহাৰ আৰু বিহপুৰীয়া গাঁও পঞ্চায়ত সামৰি শ্যামাপ্ৰসাদ মুৰ্খাজী ৰুৰবান মিচনৰ অধীনত বৰ্তমানলৈকে ত্ৰিশ কোটি টকাৰ আচঁনি ৰুপায়ন কৰা হৈছে যদিও কোনোটো আচঁনি আজিও সম্পুৰ্ণ হোৱা নাই ৷ ইফালে সমগ্ৰ প্ৰকল্পটোৰ জৰিয়তে কেন্দ্ৰীয় চৰকাৰে ২০১ কোটি টকা ধাৰ্য কৰিছে ৷ মন্ত্ৰীগৰাকীৰ অকপট স্বীকাৰোক্তিয়ে বিভাগটোৰ দুৰ্বলতাক পুনৰ বাৰ প্ৰমান কৰাৰ লগতে সমগ্ৰ আচঁনি খনৰ সফলতা তথা সুফলক লৈ ৰাইজ সন্দিহান হৈ পৰিছে ৷
महावीर कुल्फी सेन्टर की और से बूंदी वासियों को दीपावली की हार्दिक बधाई व शुभकामनाएं
